ᓄᓇᓕᐸᐅᔭᒃᑯᑦ ᐃᖃᓗᐃᑦ ᖁᕕᐊᓱᑦᑐᑦ ᑐᓴᖅᑎᑦᑎᓗᑎ ᓄᑖᒥᑦ ᐱᓕᕆᔭᐅᔪᒥᑦ ᑐᕌᕐᓂᖃᖅᑐᑦ ᐃᑲᔪᖅᑕᐅᓂᖏᓐᓄᑦ ᐃᓄᐃᑦ ᐃᓚᒌᑦ ᓱᕈᓯᖃᖅᑐᑦ ᐱᓕᕆᐊᖃᕐᓗᑎ ᓂᕿᓄᑦ ᐊᑦᑕᓇᐃᖅᓯᒪᖏᓐᓂᕐᒧᑦ ᐅᕙᒍᒍᑦ ᓄᓇᓕᖓᓂᑦ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᒋᑦᓯᐊᖅᑐᒍ ᐅᖃᐅᓯᖃᕈᒪᓕᕆᕗᑦ ᓄᑖᒥᒃ ᐱᒋᐊᖅᑎᑕᐅᔪᒥᒃ ᑐᕌᒐᕆᔭᐅᓗᓂ ᐃᑲᔪᕐᓱᐃᔾᔪᑎᐅᓂᐊᖁᓪᓗᒋᑦ ᐃᓄᖕᓂᒃ ᐃᓚᒌᓂᒃ ᓱᕈᓯᓕᓐᓂᒃ ᐱᓕᕆᔾᔪᑎᖃᖅᑐᑎᒃ ᓂᕿᖃᕆᐊᖃᕐᓂᕐᒥᒃ ᓄᓇᑦᑎᓐᓂ. ᐱᓕᕆᐊᑦᓴᖅ ᐊᔪᕐᓇᖏᑎᑕᐅᖑᐊᑕᕐᓯᓇᖅᑐᖅ ᑮᓇᐅᔭᑎᒍᑦ ᐅᑯᓇᖕᖓᑦ ᐃᓄᐃᑦ ᓱᕈᓯᕐᓄᑦ ᓯᕗᓪᓕᖅᐹᒥ ᐱᒋᐊᕈᑎ, ᑲᑐᔾᔨᖃᑕᐅᓗᑎᒃ ᓄᓇᖃᖅᑳᕐᓯᒪᔪᓄᑦ ᓱᕈᓯᕐᓄᑦ ᖃᐅᔨᒋᐊᕐᕕᒃ ᑲᓇᑕᒥ, ᑮᓇᐅᔭᑎᒍᑦ ᐃᑲᔪᕐᓱᐃᔾᔪᑎᖃᕐᓂᐊᖅᑐᑦ ᐃᓚᒌᓂᒃ ᐃᑲᔫᑎᐅᖁᓪᓗᒋᑦ ᓂᕿᑦᓯᐊᕙᓐᓂᒃ ᐊᒻᒪ ᐊᑭᑐᓗᐊᖏᑦᑐᓂᒃ ᓂᕿᑖᕈᓐᓇᖁᓪᓗᒋᑦ ᓄᓇᕘᒥ.
ᐱᔪᓐᓇᖅᑎᑕᐅᔪᑦ ᐃᓄᐃᑦ ᐃᓚᒌᑦ ᐱᑎᑕᐅᖃᑦᑕᕋᔭᖅᑐᑦ $500 ᑕᖅᑭᑕᒫᖅ ᓂᕿᑖᕈᑎᑦᓴᓂᒃ ᐊᑐᓂ ᓱᕈᓯᕐᓄᑦ ᐊᕐᕌᒍᓕᓐᓂᒃ 18-ᓂᒃ ᓄᑲᖅᑎᓄᑦ, ᐃᓚᔭᐅᕙᓪᓗᑎᒃ $250-ᓂᒃ ᓱᕈᓯᕐᓄᑦ ᐊᕐᕌᒍᓕᓐᓂᒃ ᐅᓪᓗᖅ ᐊᑕᐅᓯᕐᒥᒃ ᑎᓴᒪᓄᑦ (0-4) ᐱᐊᕋᕐᓄᑦ ᐃᒻᒧᑖᕈᑎᑦᓴᓂᒃ ᐊᒻᒪ ᖁᑦᑕᕝᕕᓕᕆᔾᔪᑎᓂᒃ.
ᐃᓄᐃᑦ ᓱᕈᓰᑦ ᐃᖃᓗᒻᒥᐅᑕᐃᑦ ᐊᕐᕌᒍᓖᑦ 18-ᓂᒃ ᐊᒻᒪ ᑐᖔᓂ ᐱᑎᑕᐅᒍᓐᓇᓂᐊᖅᑐᑦ $500 ᑕᖅᑭᑕᒫᖅ.
ᐃᓄᐃᑦ ᓱᕈᓰᑦ ᐃᖃᓗᒻᒥᐅᑕᐃᑦ ᐊᕐᕌᒍᓖᑦ 4-ᓂᒃ ᐊᒻᒪ ᑐᖔᓂ ᐱᑎᑕᐅᒍᓐᓇᓂᐊᖅᑐᑦ $250 ᑕᖅᑭᑕᒫᖅ.
ᑮᓇᐅᔭᐃᑦ ᐱᒋᐊᖅᑕᐅᒐᔭᖅᑐᑦ ᓅᕖᐱᕆ 2024 ᐊᒻᒪ ᐃᓱᓕᓪᓗᑎᒃ ᒫᕐᓯ 2025.
ᓂᐅᕕᕐᕖᑦ ᐱᖃᑕᐅᔪᑦ ᐱᓕᕆᐊᑦᓴᒧᑦ ᐅᑯᐊ ᐋᑎᒃ ᕙᓐᓱᕐᔅ ᑯᐊᐸᒃᑯᑦ (ᓴᓪᓗᒥᓂᖅ) (Arctic Ventures Co-op), ᐸᐃᓴᐃᑦ ᕘᑦᔅ (Bayside Foods), ᑏᔩ ᓂᐅᕕᕐᕕᕋᓛᖅ (D.J. Specialties), ᓄᐊᕐᖢᓐ ᓵᐳ (Northern Shopper) ᐊᒻᒪ ᓄᐊᖦᒫᕐᑦ (NorthMart).
ᓂᕈᐊᕐᓗᒍ ᐅᓇ ‘ᓄᑖᑦ ᐊᑎᓕᐅᖅᑐᑦ’ ᐱᔭᕇᕆᐊᓕᒻᒨᕐᓂᐊᕋᕕᑦ ᖃᕋᑕᐅᔭᒃᑯᑦ ᐊᑎᓕᐅᕈᑎᒥᒃ. ᓱᕈᓯᐅᑉ ᕿᑐᕐᖓᓕᐅᓪᓘᓐᓃᑦ ᓄᓇᕗᑦ ᑐᖕᖓᕕᒃᑯᓐᓂ (NTI) ᓈᓴᐅᑎ ᑎᑎᕋᕆᐊᖃᕐᒥᔪᖅ ᐊᒻᒪᑦᑕᐅᖅ ᓱᕈᓯᐅᑉ ᐋᓐᓂᐊᕕᓕᐊᖅᑐᖅᓯᐅᑎᖓ ᓈᓴᐅᑎᖃᕐᕕᒃ ᐊᐅᑦᑕᔫᖅ ᐅᕝᕙᓘᓐᓃᑦ ᐃᓅᕕᒥᓂᖓᓂᒃ ᓇᓗᓇᐃᒃᑯᑎᖓ.
ᓂᕈᐊᕐᓗᒍ ᐅᓇ ‘ᐊᓯᔾᔩᓂᖅ ᓂᐅᕕᕐᕕᒻᒥ ᐊᑎᖃᐅᑎ’ ᐊᓯᔾᔩᔾᔪᑎ ᓇᓪᓕᐊᓐᓄᑦ ᓂᐅᕕᕐᕕᒻᒧᑦ ᓂᐅᕕᕐᕕᒋᔪᒪᔭᕐᓄᑦ. ᐅᓇ ᐊᓯᔾᔨᐅᑎ ᐊᑐᖅᑕᐅᒐᔭᖅᑐᖅ ᑐᓪᓕᐊᓂ ᑕᖅᑭᕐᒥ ᑐᓂᔭᐅᓐᓂᕈᓂ ᓯᕗᓂᐊᓂ 17 ᑕᖅᑭᕐᒥ ᓯᕗᓪᓕᕐᒥ.
